Liverpooli nis negociatat me Realin, kërkon t’i marrë Alonso-n

E ardhmja e Arne Slot te Liverpool duket gjithnjë e më shumë në dyshim pas një sezoni zhgënjyes, ndërsa drejtuesit e klubit anglez kanë nisur të studiojnë alternativa për pankinën.

Sipas raportimeve të mediave spanjolle, “The Reds” kanë kontaktuar ditët e fundit me Real Madrid për të marrë informacione mbi Xabi Alonso, i cili u largua disa muaj më parë nga drejtimi i ekipit për t’i hapur rrugë Álvaro Arbeloa.

Burimet bëjnë me dije se nuk bëhet fjalë ende për negociata konkrete, por për një interesim fillestar nga ana e Liverpoolit. Drejtuesit anglezë kanë kërkuar detaje mbi punën e trajnerit spanjoll në Valdebebas dhe profilin e tij si teknik.

Megjithatë, raporti thekson se emri i Xabi Alonsos nuk i ka bindur plotësisht drejtuesit e Liverpoolit, të cilët po analizojnë me kujdes opsionet për të ardhmen e stolit.