Lopetegui reagon për herë të parë pas shkarkimit: Faleminderit tifozëve dhe lojtarëve

Julen Lopetegui ka falënderuar tifozët e Real Madridit, pas shkarkimit të tij si trajner, të hënën. 52-vjeçari u shkarkua zyrtarisht pas humbjes shokuese në “El Clasico” 5-1 ndaj Barcelonës.

“Pas vendimit të Bordit të Drejtorëve të Real Madridit, dua të falënderoj klubin për mundësinë që më kanë dhënë. Faleminderit lojtarëve për përpjekjet e tyre dhe punën, respekt për secilin dhe çdonjërin nga punonjësit e klubit, për trajtimin e tyre të mirë gjatë kësaj kohe. Dhe, natyrisht, mirënjohja ime shkon për tifozët, për mbështetjen e tyre. U dërgoj atyre urimet e mia më të mira për pjesën tjetër të sezonit”, deklaroi Lopetegui në një dalje për medait.