Manjati rus nuk dorëzohet për blerjen e Arsenalit

Miliarderi rus Alisher Usmanov raportohet se po refuzon të dorëzohet në blerjen e shumicës së aksioneve të Arsenalit, pavarësisht se është refuzuar nga pronari i shumicës së aksioneve Stan Kroenke.

63-vjeçari refuzoi në ofertën e parë që të rrisë aksionet nga 30 për qind në 67, pas refuzimit të ofertës prej 1 miliardë funtesh.

Kroenke theu heshtjen të hënën duke thënë se aksionet e tij “nuk ishin dhe nuk janë kurrë në shitje”. Megjithatë, SkySports raporton se Usmanovi do të takohet me këshilltarët e tij gjatë javës për të diskutuar opsionet tjera.

Thuhet se ai është i vendosur të rrisë ofertën që t’i kthejë “Topçinjtë” në një klub që kërkon trofe, të cilën beson se mund ta arrijë vetëm nëse largohet Kroenke.