Martohet Dani Alves në një ceremoni sekrete në Ibiza (Foto)

Sporti E Martë, 1 Qershor 2021 18:44

Martohet Dani Alves. Futbollisti brazilian i shtohet listës së futbollistëve që i thanë lamtumirën beqarisë. Ai dhe e fejuara e tij Joana Sans u martuan në mënyrë sekrete në Ibiza në një ceremoni shumë romantike.

Dani Alves ishte i veshur me një kostum të bardhë, i cili i përshtatej më se miri fustanit të nuses. Në ceremoninë e martesës ishin të ftuar shumë pak persona, ndërkohë që fotot e kësaj martese u publikuan nga vetë çifti në profilet e tyre në rrjetet sociale.

Dani Alves e takoi Joana Sanz gjatë periudhës kur ai luante në Spanjë. Spanjollja 23-vjeçare është modele dhe ka qenë imazhi i filrmave tënjohura si ajo e këpucëve Jimmy Choo, ndërkohë që ka qenë protagoniste edhe në kopertinën e revistës së modës, “Elle”.