Matuidi zbulon sekretin e formës e Ronaldos: Pas ndeshjes ndaj United …

Mesfushori francez Blasé Matuidi dha një intervistë për mediat e vendit të tij, ku mbi të gjitha foli për shokun e ri të skuadrës te Juventusi, yllin portugez, Cristiano Ronaldo.

Matuidi tregoi seriozitetin me të cilin Ronaldo punon në stërvitje, si dhe angazhimin maksimal, të cilat janë edhe sekreti i formës së tij të mirë sportive, ndonëse në moshën 33-vjeçare.

“Pas ndeshjes me Manchester United, të gjithë ishim të mbaruar. Edhe të nesërmen ishte e njëjta gjë, por jo për Ronaldon, që kishte mbërritur i pari në stërvitje dhe punonte si të ishte duke luajtur një ndeshje të vërtetë. Është pikërisht ky angazhim maksimal, sekreti i formës së tij të mirë, edhe tashmë në moshën 33-vjeçare”, u shpreh Matuidi.

Mesfushori francez pranoi se tashmë bardhezinjtë ndihen edhe më të fortë, me Ronaldon në përbërje, pasi portugezi angazhohet maksimalisht dhe punon shumë gjatë ndeshjeve.