Sezoni 2025-2026 në Bundesliga është mbyllur sot me javën e 34-të, ku Bayern Munich ka festuar titullin kampion me një fitore bindëse 5-1 ndaj 1. Köln në “Allianz Arena”.
Heroi i ndeshjes ishte Harry Kane, i cili realizoi tregolësh, ndërsa golat e tjerë për bavarezët u shënuan nga Tom Bischof dhe Nicolas Jackson. Për miqtë, golin e vetëm e realizoi talenti i ri Said El Mala.
Në vendin e dytë e mbylli sezonin Borussia Dortmund, që siguroi fitore 0-2 në transfertë ndaj Werder Bremen, falë golave të Serhou Guirassy dhe Yan Couto në pjesën e dytë.
Në zonën e Champions League u renditën gjithashtu Leipzig dhe Stuttgart. Leipzig u mposht 4-1 nga Freiburg, ndërsa Stuttgart barazoi 2-2 në transfertë ndaj Eintracht Frankfurt.
Për në Europa League janë kualifikuar Hoffenheim dhe Bayer 04 Leverkusen, që u renditën në vendet e pesta dhe të gjashta. Hoffenheim u mposht 4-0 nga Borussia Mönchengladbach, ndërsa Leverkusen barazoi 1-1 ndaj Hamburgut.
Në fund të tabelës Wolfsburg siguroi vendin e 16-të pas fitores në ndeshjen direkte ndaj FC St. Pauli dhe do të luajë në play-out për mbijetesë. Ndërkohë, St. Pauli dhe 1. FC Heidenheim përfundojnë në vendet 17 dhe 18 dhe bien në Bundesliga 2 për sezonin e ardhshëm.
