Më në fund zhbllokohet Daku, shënon super gol në Rusi (VIDEO)

Pas një periudhe të gjatë të kushtëzuar nga problemet fizike, Mirlind Daku rikthehet protagonist me gol për Rubin Kazan.

Sulmuesi i kombëtares shqiptare gjeti rrugën e rrjetës në minutën e 29-të të sfidës ndaj Baltika Kaliningrad, duke dhënë një sinjal të rëndësishëm për formën e tij në këtë fazë të sezonit.

Vendimtar në këtë gol ishte edhe kontributi i Nazmi Gripshi, i cili shërbeu asistin për Dakun, duke vulosur një bashkëpunim tërësisht kuqezi në fushë.

Për Dakun, ky është goli i dhjetë në 22 ndeshje kampionati këtë sezon, një tregues i qartë i rëndësisë së tij në repartin ofensiv të skuadrës ruse.

28-vjeçari nuk kishte shënuar që prej 22 nëntorit të vitit të kaluar, në përballjen ndaj Akhmat Grozny, duke e bërë këtë rikthim edhe më domethënës në aspektin personal dhe sportiv.

🇦🇱⚽️🅰️ Mirlind Daku scores his first goal after injury. Nazmi Gripshi with the assist. pic.twitter.com/a0lb8wLpV6

— Illyrian Footy 🇦🇱 (@IllyrianFooty) May 2, 2026