Mema zbulon problemin e Tiranës: Kemi një ngërç psikologjik

Tirana-Kukësi është sfida që do të ngrejë siparin e javës së 12-të të Kategorisë Superiore, njofton Syri.net.

Për këtë sfidë, që do të luhet në “Selman Stërmasi” në orën 18:00, nga kampi bardheblu ishte vetë trajneri Ardian Mema i cili ka dalë në konferencën për shtyp.

“Nesër do të jetë një ndeshje e rëndësishme kundër Kukësit. Di që për këtë sfidë është caktuar arbitër i FIFA-s. Nuk jemi kundër Federatës, por kundër arbitrave që na dëmtojnë sikurse ndodhi në ndeshjen me Kamzën dhe Teutën”, tha tekniku i bardhebluve, duke shtuar më pas: “Megjithatë s’e gjej problemin vetëm te gjyqtarët, por edhe te vetja jonë. Kemi një ngërç psikologjik të panevojshëm. Pozitive është që skuadra po bën lojë të mirë dhe po reagon në fushë”.