Memushaj: Nuk fola për tre muaj me trajnerin, u përplasa për aktivizimin tim

Ledian Memushaj është kthyer sërish në lider te skuadra e Pescarës, në aventurën e tij të dytë me këtë ekip. Mesfushori i kombëtares sonë ka dhënë sot një intervistë për “Ottopagine.it”, ku shprehet  për eksperiencën e tij tek Pescara.

Memushaj tregoi edhe se ka patur edhe një debat me trajnerin e Beneventos, ku me këtë të fundit nga kjo “përplasje” nuk kanë folur me njëri-tjetrin për afro 3 muajsh.

“Pas disa muajsh kisha nostalgji për Pescarën, për klubin, për qytetin, për sheshin dhe e kuptova menjëherë që me një shëtitje, për këtë qytet krijova një ndjesi të veçantë. Me Zemanin krijova një lidhje të veçantë tek Pescara dhe e kuptova që nuk do të shkulte flokët për mua.

Ndërsa me Ze Derbin pata një përplasje teksa nuk po aktivizohesha dhe iu shpreha se në qoftë se jam i parëndësishëm, unë largohem. Përgjigja e tij ishte duke më treguar se jam i rëndësishëm për të dhe për klubin.  Për këtë patëm edhe një debat, teksa pasoja për këtë ishte se mbetëm rreth 3 muaj pa i folur njëri-tjetrit. Ai është një njeri me karakter të vështirë dhe tepër nevrik”, u shpreh Memushaj.