Merr formë stadiumi i ri i Kukësit, FSHF zbulon pamjet e fundit (VIDEO)

Stadiumi i ri i Kukësit ka nisur që të marrë formë, teksa konsiderohet si një investim shumë i rëndësishëm për zhvillimin e infrastrukurës në vend, i qeverisë i Federatës Shqiptare të Futbollit.

Institucioni më i lartë i futbollit në vend ka postuar në faqen e saj një klip të shkurtër nga ecuria e punimeve, ku duken makineritë e rënda në qendër të fushës, ndërsa strukturat e tribunave të ngritura.

Punimet mendohet se do të përfundojnë para se të nisë sezoni i ri futbollistik. Infrastrukturës së futbollit në vend do t’i shtohet një ambient modern, që sigurisht do të rritë cilësinë, interesin e tifozëve e sigurisht edhe të ardhurat e klubit verilindor.