Messi dhe Ronaldo gati për çmimin ‘The Best’ të FIFA-s, kush do ta fitojë?

Lionnel Messi dhe Cristiano Ronaldo gjenden në Londër dhe janë gati për ceremoninë e FIFA-s, e cila do të ndajë çmimin “The Best” për lojtarin më të mirë për vitin 2017. Në garë për çmimin “The Best” janë Ronaldo, Messi dhe Neymar.

“Leo Messi është këtu #TheBest”, shkruan FIFA, po ashtu edhe për Cristianon: “Ronaldo është në Londër #The Best”.

Messi e përfundoi sezonin e kaluar me 54 gola në 52 ndeshje dhe fitoi Kupën e Mbretit, ndërsa Neymari shënoi 20 gola në 45 paraqitje.

Ronaldo, që është favorit për këtë çmim, shënoi 42 gola në 44 ndeshje dhe fitoi Këpucën e Artë të Championsit, ndërsa triumfoi me Real Madridin në La Liga, Champions League, Superkupën e Evropës dhe Superkupën e Spanjës.