Messi dhe Suarez barazojnë rekordin e Ronaldos

Lionel Messi dhe Luis Suarez gjetën rrugën e rrjetës me kombëtaret e tyre, duke barazuar rekordin e Ronaldo Fenomenit për më shumë gola të shënuar në një ekip kombëtar të Amerikës së Jugut, në ndeshjet konkurruese.

Të tre kanë shënuar 39 gola, me Suarez të parin që barazoi legjendën e Brazilit, falë penalltisë në pjesën e parë të fitores së diskutueshme 2-1 ndaj Kilit.

Messi e arriti në të njëjtën mënyrë, pasi shënoi nga penalltia në fitoren e ngushtë 1-0 ndaj Ekuadorit.