Milan interesohet për mesfushorin e Cagliarit

Milan është hedhur në sulm ende pa nisur zyrtarisht merkatoja dimërore. Drejtuesit kuqezinj dëshirojnë të përforcojnë mesfushën dhe emri më i fundit në listën e tyre është ai i mesfushorit të Cagliarit, Nicolo Barella.

Marco Fassone dhe Massimiliano Mirabelli do përpiqen të arrijnë një marrëveshje me klubin sard, në qershor ose janar.

Të vetëdijshëm, megjithatë, se nuk do e kenë aspak të lehtë. Si fillim për konkurrencën e ngjeshur: Interin, Juventusin e Romën. Pengesa tjetër qëndron te çmimi i vendosur: rreth 20 milionë.

Një shifër jo e jashtëzakonshme, por as e papërfillshme duke marrë në konsideratë problemet me rregullat financiare të UEFA-s.