Milani zhgënjen përsëri, po ja si justifikohet Montella

As me Genoan në fushën e tij Milani nuk arriti dot të fitojë, duke i mbyllur 90 minutat e sotme në barazim 0-0.

Trajneri i kuqezinjve, Vicenco Montella, vazhdon me bindjen që ekipi do të dalë nga kjo situatë, edhe pse drejtuesit e klubit i kishin vënë ultimatum se ky takim duhej fituar.

Po kalojmë një moment të veçantë për sa i takon rezultateve. Edhe sot skuadra ka dhënë gjithçka në fushën e lojës. Kohët e fundit po ndëshkohemi nga episodet, por unë ndiej besimin e klubit dhe të lojtarëve. Jam i bindur se ky ekip është në gjendje të dalë nga kjo situatë”, tha pas ndeshjes Montella.