Montela nuk ngopet me blerje: Milani nuk është ende i kompletuar

Milani ka nisur sot punën për sezonin e ri, më herët se zakonisht, për shkak të pjesëmarrjes në Europa League.

Trajneri Vincenco Montela ka folur gjerë e gjatë për gazetarët, duke prekur tema të ndryshme.

Jam i entuziazmuar, skuadra po lind dhe po kompletohet. Kanë ardhur shumë lojtarë, disa të rinj e disa me shumë eksperiencë, na pret një punë e madhe, por jam optimist. Skuadra nuk është ende e kompletuar, duhen marrë vendime të rëndësishme për lojtarët që do të largohen. Objektivi është kualifikimi në Champions League dhe nuk do të jetë e lehtë, duke parë konkurrencën”, deklaroi tekniku i Milanit.