Napoli arrin marrëveshjen me Veretout

Napoli është shumë pranë zyrtarizimit të marrëveshjes me mesfushorin francez të skuadrës së Fiorentinës, Jordan Veretout.

Me klubin vjollcë marrëveshja është arritur për shifrën e 30 milionë eurove, ndërsa futbollistit i është ofruar një kontratë 5-vjeçare me dy milionë euro në sezon.

Francezi 26-vjeçar iu bashkua Fiorentinës në verën e vitit 2017 dhe gjatë dy sezoneve numëron 58 paraqitje, duke shënuar edhe 13 gola.

Jordan Veretout pëlqehet shumë nga Ancelotti, i cili mendon që me francezin të zëvendësojë brazilianin Allan, i cili duket i destinuar të transferohet te PSG-ja në verë.