Napoli ndalet ndaj Comos, Interit i duhet vetëm një pikë për të siguruar titullin

Barazim pa gola në javën e 35-të të Serie A, ku përballja mes Comos dhe Napolit u mbyll 0-0 në stadiumin Stadio Giuseppe Sinigaglia. Një rezultat që i shkon për shtat Interit, që është vetëm një pikë larg sigurimit të titullit kampion.

Vendasit e nisën më mirë takimin, duke shpërdoruar dy raste të arta në minutat e para. Anastasios Douvikas arriti të kalojë portierin kundërshtar, por u ndal në vijën fatale nga ndërhyrja vendimtare e Amir Rrahmani. Ndërkohë, edhe Assane Diao u ndal nga pritja e portierit të Napolit në një dalje vendimtare.

Në fundin e sfidës, ishte Napoli që iu afrua më shumë golit, por pa sukses. Scott McTominay humbi një mundësi të mirë brenda zonës, ndërsa Matteo Politano u ndal nga shtylla pas një goditjeje të bukur me të majtën.

Pas këtij barazimi, skuadra e drejtuar nga Antonio Conte mban përkohësisht një diferencë prej 8 pikësh nga vendi i pestë, por gara për zonën europiane mbetet e hapur.