Neymar ka vendosur të largohet nga PSG, do të shkojë te Barcelona ose Reali

Neymar ka marrë një vendim të rëndësishëm: Do të largohet nga Parisi. Kështu ai ose do të kthehet te Barcelona, ose do të transferohet në Madrid, kur Reali e pret prej kohësh.

Vetëm Spanja ia ofron këtë mënyrë jetese. Kjo është arsyeja se përse braziliani po mendon largimin. Te Barcelona e shikojnë Neymar-in si zëvendësuesin e Lionel Messi-t. Por pikë së pari duhet një akord me PSG-në. Të dyja klubet kanë pasur përplasje si pasojë e çështjes së transferimit te ylli brazilian. Por gjuha e përbashkët mund të gjendet.

Në transferim mund të futet edhe Dembele, i cili ka miqësi të ngushtë me Kylian Mbappe dhe të dy do të formonin një dyshe mjaft të mirë te PSG-ja. Nëse kjo nuk ndodh, atëherë Reali e pret Neymar-in me krahë hapur.

Presidenti Florentino Perez po kërkon një yll që të jetë pasuesi i Cristiano Ronaldo-s dhe ylli i parizienëve është një dëshirë e vjetër e tij. Por një ide më e qartë e destinacionit të ri të Neymar-it do të jetë në fund të sezonit, ku edhe klubet do t’i kenë më të qarta idetë e tyre.