Nurishmi zbulon datat kur rinis Kategoria Superiore

Si çdo gjë tjetër, edhe dritat e futbollit janë ulur por Lysien Nurishmi, shefi i Sektorit të Garave në Federatën Shqiptare të Futbollit (FSHF), zbulon se kur mund të rinisë Kategoria Superiore.

“UEFA ka dhënë direktivën që kampionati të përfundojë në fushë. Edhe FSHF është dakord me këtë gjë, duke parë situatën në përmirësim në vendin tonë. Po presim një dritë jeshile se kur mund të rinisë stërvitja fillimisht, pastaj të vendosim datën e rinisjes së kampionatit.

20 korriku është data më e pëlqyeshme për përfundimin e kampionatit, pasi në gusht janë ndeshjet eleminatore të kompeticioneve europiane”, deklaroi Nurishmi. Sipas tij, nëse stërvitja nis javën e parë të majit, kampionati do të rinisë në 20 ose 24 maj.