“O Zot i madh …”, Simeone reagon për herë të parë pasi Barcelona fitoi titullin në La Liga

Trajneri i Atlético Madrid, Diego Simeone, ka vlerësuar maksimalisht Barcelonën pas shpalljes kampione në La Liga, duke theksuar se katalanasit kanë qenë skuadra më dominante gjatë gjithë sezonit.

Pas suksesit të Barcelonës ndaj Real Madrid, tekniku argjentinas u shpreh me superlativa për lojën e ekipit blaugrana.

“E pashë ndeshjen mbrëmë dhe po mendoja; ne e kemi eliminuar dy herë Barcelonën. O Zot i Madh. Ata janë ekipi më i mirë në botë dhe e merituan titullin nga fillimi deri në fund. Kanë treguar një dominim të jashtëzakonshëm dhe meritojnë duartrokitje sepse luajnë futboll fantastik”, deklaroi Simeone.

Trajneri i Atleticos foli edhe për objektivat e skuadrës së tij në javët e fundit të kampionatit, duke pranuar se mundësitë për ta mbyllur sezonin në vendin e tretë janë të kufizuara.

“E kam shpjeguar edhe më parë, shanset janë të pakta. Nëse ne bëjmë detyrën tonë dhe në anën tjetër Villarreali gabon, atëherë do të luftojmë deri në fund për vendin e tretë. Ky mbetet objektivi ynë”, përfundoi ai.