Piatek thumbon Milanin: E kanë zakon që t’i ndryshojnë sulmuesit çdo vit

Krzysztof Piątek debutoi këtë fundjavë me Hertha-n e Berlinit por pa mundur që të shënojë. Sulmuesi polak nuk e ka pritur aspak mirë largimin nga skuadra e Milanit, teksa së fundmi ka dhënë një deklaratë thumbuese për “Bild”.

“Te Milan ndodh gjithmonë, që i ndërrojnë sulmuesit çdo vit. Mesa duket është një lloj sjelljeje e tyre. Megjithatë shënimi i golave është një pasion për mua dhe e di që në Berlin pritshmëritë janë shumë të mëdha”, deklaroi Piatek.