Pochettino refuzon një ofertë të çmendur për të marrë drejtimin e Realit

Real Madrid është në kërkim të një trajneri të ri pas largimit të Lopeteguit, teksa alternativat që janë shfaqur në mediat angleze dhe spanjolle kanë qenë të shumta.

“The Sun” shkruan se Mauricio Pochettino ka refuzuar që të nënshkruajënjë kontratë me vlerë 18 milionë euro në vit, për të qëndruar te Tottenham. Sipas prestigjiozes britanike, Pochettino ka qenë zgjedhja e parë e Florentino Perez pas shkarkimit të Julen Lopetegui. Më herët në merkaton e verës, numri një i gjigandëve spanjoll, ishte përpjekur të sjellë në “Santiago Bernabeu” argjentinasin, por pa sukses.

Pas shkarkimit të spanjollit, “Los Blancos” trokitën sërish në derën e Pochettino, por 46-vjeçari ishte i vendosur për të qëndruar në Angli.