Një episod i rrallë dhe i pazakontë ndodhi dje në Kategorinë Superiore mes Vorës dhe Bylisit, e zhvilluar në stadiumin “Selman Stërmasi” në Tiranë. Protagonist negativ i sfidës është bërë portieri i Bylisit, Jeremy Vachoux, i cili në minutën e 42-të ka vendosur të braktisë fushën e lojës në shenjë proteste, në një moment kur rezultati ishte 2-0 në favor të Vorës.
Gjithçka ndodhi pas një rasti të humbur nga skuadra vendase. Portieri francez u nervozua dukshëm, hoqi dorezat nga duart dhe, pa pritur asnjë ndërhyrje, u drejtua vetë drejt vijës anësore duke lënë shokët e skuadrës me një lojtar më pak. Një skenë e pazakontë për kampionatin shqiptar, që nuk ishte parë më parë në Kategorinë Superiore.
Arbitri i takimit, Ermir Celaj, e ndëshkoi 31-vjeçarin me karton të verdhë për largimin e paautorizuar nga fusha. Vachoux, i cili vazhdoi protestën, hoqi edhe fanellën pasi kaloi vijat kufizuese të fushës së lojës.
Në këto kushte, Bylisi u detyrua të aktivizonte portierin e dytë, Renato Beqaj, i cili u fut në lojë në mënyrë të papritur dhe pa ngrohjen e duhur. Ndërkohë, pamjet e këtij episodi kanë bërë xhiron e rrjeteve sociale ku nuk kanë munguar as shkrimet nga mediat e huaja.
Albanian football strikes again 💀
After conceding 2 goals against Vora the goalkeeper of Bylis Jeremy Vachoux decided to leave the game on his own (the coach didn’t even said anything to him)
He left the pitch angry and went straight to the locker room pic.twitter.com/FSIdrlTaJK
— Shefqet Fejzo🇦🇱 (@ShefqetFejzo11) December 24, 2025