PSG bën gati oferta “galaktike” për dy yjet e Atletico Madridit

PSG është vetëm një hap larg shpalljes kampion në Ligue 1. Parisienët do të përballen mbrëmjen e sotme me Lens dhe një barazim do të mjaftonte për të siguruar matematikisht titullin kampion për këtë sezon.

Pas objektivit në kampionat, fokusi i skuadrës franceze do të zhvendoset te finalja e UEFA Champions League kundër Arsenal FC, ku PSG synon të kurorëzojë sezonin me trofeun më të rëndësishëm europian.

Ndërkohë, drejtuesit e klubit po planifikojnë edhe lëvizje të mëdha në merkaton e verës. Sipas raportimeve të Telefoot, PSG është gati të investojë rreth 230 milionë euro për dy lojtarë të Atlético Madrid: Julian Álvarez dhe Marc Pubill.

Interesimi për sulmuesin argjentinas Alvarez nuk është i ri, pasi emri i tij lidhet prej kohësh me kampionët francezë. Megjithatë, PSG kërkon të përforcojë edhe repartin defensiv me talentin e ri spanjoll Marc Pubill, i cili ka spikatur në sezonin e tij të parë me skuadrën madrilene.

Klubi francez synon të ndërtojë një skuadër edhe më konkurruese për sezonin e ardhshëm, me objektivin kryesor dominimin në Europë.