PSG i ofron kontratën e re Neymar-it deri në vitin 2027

Neymar është gati t’i thotë “po” Paris Saint-Germain për rinovimin e kontratës. Situata ka ndryshuar dhe, duke marrë parasysh vështirësitë ekonomike të Barcelona-s, duhet përjashtuar për momentin një kthim i brazilianit në Camp Nou, për të cilin është folur shumë në muajt e kaluar.

Kontrata aktuale e Neymar skadon në vitin 2022 dhe duket se lojtari ka zhvilluar një takim sqarues me presidentin e PSG-së, Nasser Al-Khelaifi, siç ka bërë të ditur Fichajes.com.

Braziliani duket se është i gatshëm të nënshkruajë edhe për pesë vite të tjerë me francezët, me të njëjtat kushte ekonomike të marrëveshjes aktuale nga e cila përfiton 36 milionë euro në vit. Në total deri në vitin 2027, parisienët do të shpenzonin 180 milionë euro.