Rasti i dyshimtë i Gabriel Jesus, zbulohet arsyeja se përse nuk u dha 11-metërsh (VIDEO)

Brazili u mund 2-1 nga Belgjika dje në mbrëmje, por edhe në këtë ndeshje nuk kanë munguar polemikat në lidhje me arbitrimin. Një nga rastet më të diskutueshme ishte rrëzimi i Gabriel Jesus në zonën e belgëve, teksa mbrojtësi Kompany ka ndërhyrë ashpër ndaj tij.

Arbitri serb Mazic, vijoi lojën, ndërkohë që ai kërkoi edhe ndihmën e VAR, teksa edhe ata vendosën që nuk kishte penallti në këtë rast. Siç shihet edhe nga pamjet Kompany ka shkaktuar faull, por arbitri italian Damato dhe kolegët e tij në VAR kanë gjykuar se topi ishte jashtë vijës, dhe për këtë arsye sipas rregullave nuk ishte penallti.

Në dhomën e gjyqtarëve ka pasur edhe polemika, teksa duken qartë reagimet e tyre. /Koha Jonë/