Real kampion edhe në fitime nga Championsi i fundit, ndiqet nga Roma

Real Madrid është skuadra me më shumë përfitime nga sezoni i kaluar në Ligën Kampionëve. Kampionët e Europës kanë arkëtuar plotë 88.6 milionë euro, më shumë se të gjithë duke përfshirë përfitimet nga performanca sportive si dhe “market pool”, të ardhura nga të drejtat televizive.

Pas tyre renditet Roma, që në sezonin e kaluar shkoi në gjysmëfinale, teksa ka fituar më shumë nga të ardhurat televizive. Në vendin e tretë janë finalistët e Liverpoolit me 81.2 milionë euro, të ndjekur nga Juventus me 80 milionë euro.

Bie në sy fakti se nga eliminimi i shpejt nga Roma, Barcelona ka përfituar vetëm 57 milionë euro në total.