Reali gati të rrëmbejë futbollistin më në formë të Milanit këtë sezon

Suso është futbollisti më në formë këtë sezon te Milani i Gattusos dhe pritet që të jetë protagonist deri në qershorin e ardhshëm. Po më pas? E vështirë për t’u thënë, por klauzola prej 40 milionë eurosh e vlefshme për klubet jashtë Italisë, nuk të jep garanci.

Kuqezinjtë besojnë te kualiteti i futbollistit spanjoll dhe për këtë qëllim synojnë që të rrisin klauzolën e tij deri në 60 milionë euro. Por derisa kjo gjë të mos bëhet, ai do të jetë nën monitorimin e Chelsea-t dhe Atletico Madrid. Së fundmi në garë për të është shtuar edhe Reali i Perez, i cili ka dërguar të besuarit e tij për ta monitoruar nga afër futbollistin. Një motiv më shumë për të nxituar për rinovimin e kontratës. /Koha Jone/