Reali po ‘luan’ me United, refuzon ofertën për Moratën

E ardhmja e Alvaro Moratas është kthyer në një telenovelë të vërtetë pasi Real Madrid po luan me ofertat që vijnë në drejtim të sulmuesit spanjoll.

Sipas raportimeve të fundit, drejtues të “Los Blancos” kanë refuzuar ofertën prej 70 milionë sterlinash duke kërkuar edhe 10 më shumë, shkruan tabloidi britanik “The SUN”.

Sipas burimeve të “Goal.com”, presidenti i Realit, Florentino Perez ka propozuar rritje të ofertës, pasi vetëm për 80 milionë sterlina lojtari spanjoll mund të udhëtojë drejt Manchesterit.

Të presim ditët në vijim për të kuptuar nëse Morata do të ushtrojë presion ndaj Realit pasi ai ka kërkuar largimin nga “Santiago Bernabeu”.

/ SYRI.net /