Rikthehet Romela Begaj, e vetme në aeroport

“Këtë fitore ia dedikoj të gjithë dashamirësve dhe Shqipërisë”. Pasi mori medaljen e artë në shkëputje dhe u shpall nënkampione e botës në dygarësh, Romela Begaj ka mbërritur në aeroportin “Nën Tereza”.

“Jam shumë e lumtur që arrita këtë rezultat të dal kampione bote me medalje të artë dhe nënkampione. Jam kënaqur me arritjen time, u vlerësua sakrifica ime, e kam marrë me gjak këtë rezultat nuk ishte e lehtë. Medalja olimpike është ende larg por e kam synim ta arrijë”, deklaroi Begaj.

Nga ajo që u pa, ishte fakti se në aeroport për ta pritur nuk ishte asnjë zyrtar, qoftë për t’i “rënë pas shpatullave” kësaj sportiste që ngriti lart emrin e Shqipërisë.