Riktheu titullim kampion pas 18 vitesh, Dirk Kuyt tërhiqet si hero nga futbolli

Feynord arriti pas 18 vitesh të shpallet kampion në “Eredivisie” fundjavën e shkuar dhe kjo falë futbollistit Dirk Kuyt që shënoi të 3 golat në fitoren e thellë 3-1 kundër Heracles.

Holandezi shikon tashmë se në moshën 36-vjeçare ka arritur t’i kthejë lavdinë qytetit të Roterdamit dhe ky është momenti kur duhet të largohet si hero nga futbolli i luajtur. Sipas “Daily Mail” lojtari i cili në karrierën e tij ka veshur fanellat e ekipeve si Utrecht, Liverpul, Feynord e Fenerbahçse, ka vendosur të varë këpucët në gozhdë.

“Gjatë gjithë karrierës time gjithmonë kam ndjekur zemrën në momentin që kam dashur të marr një vendim. Këtë kam bërë edhe këtë herë. E ndjej se ka ardhur koha e duhur për t’u tërhequr. Kalova dy sezone fantastike që kur vendosa të rikthehem te Feyenoord dhe titulli ishte një mrekulli”, deklaroi Kuyt për “BBC Sport”.