Ronaldo përgatitet në Kupën e Botës, Georgina shkëlqen me bikini në setin fotografik

Partnerja e Cristiano Ronaldo, Georgina Rodríguez, po tërheq vëmendjen me formën e saj fizike, ndërsa ylli portugez përgatitet për Kupën e Botës 2026, që do të zhvillohet në SHBA, Kanada dhe Meksikë.

Kapiteni 41-vjeçar i Portugalisë synon të marrë pjesë në Botërorin e tij të gjashtë, një rekord historik në futbollin botëror. Disiplina e tij e jashtëzakonshme në stërvitje vazhdon ta mbajë në nivele të larta konkurruese, duke e bërë sërish kandidat për të udhëhequr Portugalinë me fanellën me numrin 7.

Ndërkohë, Georgina po ndjek një regjim intensiv me stërvitje boksi dhe palestër, duke ruajtur fizikun që e ka kthyer në një nga figurat më të njohura të shoëbiz-it dhe modës sportive. Ajo së fundmi realizoi një set fotografik për markën e njohur të beachëear-it Calzedonia, me të cilën bashkëpunon prej vitesh si ambasadore.

Historia e çiftit nisi vite më parë, kur Georgina punonte si shitëse në një dyqan të Gucci. Çifti u fejua në gusht të vitit të kaluar dhe kanë një familje të madhe me pesë fëmijë: Cristiano Jr, binjakët Mateo dhe Eva, Alana Martina dhe Bella Esmeralda.

Familja pritet të qëndrojë pranë Ronaldos gjatë Botërorit, duke u vendosur në bazën e Portugalisë në Majami mes ndeshjeve të turneut.

Ronaldo mbetet futbollisti i vetëm në histori që ka shënuar gola në pesë Kupa Bote të ndryshme, duke nisur nga Botërori i vitit 2006 në Gjermani. Në vitin 2018, ai u bë lojtari më i vjetër që realizoi “hat-trick” në një ndeshje Botërori, në barazimin spektakolar 3-3 ndaj Spanjës.