Shkëlqeu me Kombëtaren, vërshojnë ofertat për yllin e ri të kuqezinjve

Eros Grezda është një nga emrat më të përfolur së fundmi te kuqezinjtë tanë. 22-vjeçari shkëlqeu në ndeshjen ndaj Italisë dhe tashmë paraqitje e tij ka marrë jehonë në mbarë Europën.

“Tuttomercatoweb” është një nga faqet italiane që ka folur me superlativa për lojtarin e Kombëtares shqiptare. Sipas faqes italiane, disa klube në vendin fqinj kanë shfaqur interes për shërbimet e tij.

Kujtojmë që klubi i Genoas ishte një prej atyre që donte Grezdën në skuadër, ndërsa tashmë për 22-vjeçarin kanë shfaqur interes edhe klube të tjera.

Trajneri i Osijek, shprehet se Grezda është një thesar, dhe se ia vlen të mbështetet. Shumë menaxherë nga Seria A janë afruar për futbollistin me origjinë nga Kosova, gjithsesi interesimin më konkret e ka shfaqur tashmë klubi i Crotones.

Pas paraqitjeve të mira edhe me Kombëtaren, karriera e Grezdës duket se mund të marrë një ngritje tepër të madhe.