Shorti i Europa Ligës/ Pëcaktohen dy vazot, priten përballje mes ekipeve të mëdha

Pasi u përcaktuan 32 skuadrat për fazën tjetër të Ligës së Europës, është bërë e mundur edhe ndarja nëpër vazo të skuadrave të cilat do të vihen përballë njëra-tjetrës nga shorti që do të hidhet nga UEFA ditën e hënë me datë 11 dhjetor në Nyon të Zvicrës.

Sipas rregullores së UEFA-s në vazon e parë kanë shkuar të gjitha fitueset e grupeve të Ligës së Europës, ashtu si edhe katër skuadrat që grumbulluan më shumë pikë mes atyre që u renditën të tretat në grupet e Ligës së Kampioneve. Pra, skuadrat e Napolit, Spartak Moskës, Sëlltikut dhe Borusias së Dortmundit u janë bashkuar ekipeve në vazon e dytë. Duke llogaritur se kjo vazo ka në përbërje edhe Olimpikun e Marsejës, Olimpikun e Lionit apo Real Sociedad, Nicë pritet që shorti të dhurojë përplasje për skuadrat që gjenden në vazon e parë si Milan, Arsenal, Lacio, Atletiko Madrid, Lajpcig, Vijareal apo Sportingu i Lisbonës

VAZO E PARË
CSKA Moskë, Atletiko Madrid, Lajpcig, Sporting Lisbonë, Vijareal, Dinamo Kiev, Braga, Milan, Atalanta, Lokomotiv Moskë, Plzen, Arsenal, RB Salzburg, Atletik Bilbao, Lacio, Zenit.
VAZO E DYTË
Napoli, Spartak Moskë, Sëlltik, Borusia Dortmund, Astana, Partizan Beograd, Ludogorets, AEK, Olimpik Lion, Kopenhagë, FCSB Bukureshtit, Crvena Zvezda, Olimpik Marsejë, Ostersund, Nicë, Real Sociedad.