Shqipëri-Angli rrezikon të mos luhet, FSHF letër autoriteteve

Ndeshja Shqipëri-Angli, e programuar për t’u zhvilluar në datën 28 mars, në Arenën Kombëtare, rrezikohet për arsye sigurie. Shkak është bërë zgjerimi i bizneseve në ambientet e stadiumit. Për këtë arsye, Federata Shqiptare e Futbollit (FSHF) i ka dërguar një letër IKMT-së dhe Bashkisë Tiranë për rregullimin e kësaj situate.

“Operatorë të ndryshëm kanë avancuar me ngritjen e strukturave permanente hekuri dhe betoni në trotuarët e stadiumit, duke cenuar seriozisht standardet e sigurisë për organizimin e ndeshjeve ndërkombëtare. Kërkojmë marrjen e masave për lirimin e hapësirave që bllokojnë rrugët e kalimit të tifozerive”, lexohet në letrën e FSHF-së.