Shqipëri-Irlandë e Veriut, FSHF: Hyrje falas për gjithë tifozët!

Sot në orën 18:00, shpresat e Shqipërisë kanë një ndeshje mjaft të rëndësishme në përballjen ndaj Irlandës së Veriut në “Selman Stërmasi”.

Kundërshtarët e 21-vjeçarëve të drejtuar nga Alban Bushi ndodhen në vendin e parë me 9 pikë, por një fitore e Shpresave tona do t’i ngjiste ndjeshëm në renditje dhe mundësitë për një kualifikim të mundshëm do të ishin shumë të mëdha.

Për t’i dhënë sa më shumë mbështetje skuadrës në një situatë të tillë, FSHF ka menduar që hyrja të jetë falas ditën e sotme.