Shqipëria me 3 sulmues ndaj Turqisë, formacioni i mundshëm

Trajneri italian mendohet se do të luajë me Sadikun, Grezdën dhe Roshin në takimin qe luhet sot në mbrëmje në Antalia.

Berisha është i konfirmuar në portë, në mungesë të Strakoshës që ka udhëtuar drejt Italisë. Hysaj, Ajeti dhe Mavraj do të plotësohet në rreshtimin me katër me Lenjanin, që pritet ta nisë takimin nga minuta e parë. Lenjani është preferuar përpara Alijit dhe Balliut në të majtë.

Në mesfushë pas problemeve fizike të Bashës vendin e titullarit nga minuta e parë do ta ketë Sabien Lilaj. Konfirmohen Memushaj e Xhaka për ta plotësuar treshen e mesfushës.

I sapoardhuri Astrit Ajdareviç pritet ta nisë nga stoli, ndërsa pritet të ketë disa minuta dhe për Qakën.
Me Roshin në të djathtë, Grezdën në të majtë dhe Sadikun në qendër Panucci ka në mendje një sulm agresiv qe nga minuta e parë./TCH Mund të quhet epoka e re e kuqezinjve pasi në këtë ndeshje mungojnë Basha, Kukeli, Abrashi, Agolli dhe Kace që më parë kanë mbajtur peshën e mesfushës.

Tani trajneri Panucci kërkon të provojë eksperimente nga të rinjtë që ka grumbulluar si Qaka, Aliji, Ajdarevic, Ramadani, Lilaj etj. Është e përditshmja ‘Panorama Sport’ e cila ka publikuar dy variantet për formacionin e Shqipërisë kundër Turqisë.