Shtuttgart fitore në ‘frymën e fundit’ ndaj Koln

Stuttgart rikthehet te fitorja në Bundesligë, duke mposhtur 2-1 vetëm në fund Kolnin, në takimin që hapi javën e tetë në “Mercedes Benz Arena”. Fitorja e tretë sezonale kjo për skuadrën e Wolf Hannes, që e rinis si duhet kampionatin.

Në minutën e 38-të, të zotët e shtëpisë kaluan përpara me Donis që fitoi betejën me Sorensen për të ndëshkuar Timo Horn.

Pjesa e parë u mbyll me Stuttgartin në avantazh, por skuadra e Peter Stoger nuk u dorëzua dhe ja doli të gjente golin e barazimit në minutën e 77-të me Dominique Heintz.

Pak minuta para fundit miqtë pretenduan për një penallti, për një ndërhyrje te Denis Aiogo ndaj Guirassu dhe arbitri Cortus fillimisht e akordoi 11-metërshin, por pas disa minutave ndihmë nga teknologjia dhe VAR anuloi vendimin fillestar mes protestave të Kolnit.

Kur dukej se Kolni do të dilte me të paktën një barazim u ndëshkua në minutat e shtesës nga Chadrac Acolo. 2-1 për Stuttgartin, që ja del të fitojë vetëm në fund duke u ngjitur në kuotën e 10 pikëve po aq sa Schalke në vendin e 9, ndërsa Koln mbetet në fundin e tabelës me vetëm një pikë pas 8 ndeshjeve të para.