Stemat e FIFA-s për vitin 2021, pjesë e saj janë 3 femra

Ditën e sotme në ambientet e Federatës Shqiptare të Futbollit është bërë edhe ndarja e stemave të FIFA-s për vitin 2021 të gjyqtarëve shqiptarë të futbollit femra dhe meshkuj.

Kjo ceremoni u organizua nga Shoqata e Arbitrave dhe Komiteti i Arbitrave, ku morën pjesë, presidenti i BASHF, Tahir Kastrati, specialisti i gjykimit, Bujar Pregja si dhe Shefi i Sektorit të Arbitrimit, Sokol Jareci.

Në listën prej 13 gjyqtarëve që u pajisën me stemën e FIFA-s për vitin 2021, bie në sy prezenca e 3 arbitreve femra, Emanuela Rusta si gjyqtare kryesore dhe Koleta Prenga e Erinda Kume si asistente. Për herë të parë me stemën e FIFA-s është pajisur gjyqtari i Futsallit, Arlind Subashi.

Gjyqtarë kryesorë:

1. Enea Jorgji

2.Eldorian Hamiti

3.Juxhin Xhaja

4.Emanuela Rusta

Asistentët:

1. Denis Rexha
2. Ridigers Çokaj
3. Nertil Bregasi
4. Dojando Myftari
5. Ilir Tartari
6. Rejdi Avdo
7. Koleta Prenga
8. Erinda Kume

Gjyqtar i Futsallit

1. Arlind Subashi