Ish-portieri i Juventus, Wojciech Szczęsny, ka bërë një deklaratë që ka shkaktuar reagime të shumta në botën e futbollit, pas triumfit të tij të dytë radhazi me FC Barcelona në kampionatin spanjoll.
Pas fitores në “El Clásico”, që i siguroi titullin katalanasve në La Liga, Szczęsny u shpreh se për herë të parë në karrierë ka luajtur në një skuadër me një portier më të mirë se ai.
“Për herë të parë në jetën time kam luajtur me një portier shumë më të mirë se vetja”, tha ai, duke iu referuar Joan García-s, portierit të ri të Barcelonës i ardhur nga Espanyol në verën e vitit 2025 dhe tashmë pjesë e kombëtares së Spanjës.
Deklarata e tij ka ndezur debat në media dhe mes tifozëve, edhe për faktin se ai nuk përmendi ish-bashkëlojtarin e njohur Gianluigi Buffon, me të cilin ka ndarë dhomat e zhveshjes gjatë periudhës së tij te Juventusi.
Szczęsny shtoi se përvoja me Joan García ka qenë e veçantë dhe se kjo e ka ndihmuar të pranojë më lehtë hierarkinë në portë.
“Me Joan García e kam më të lehtë të pranoj që dikush është thjesht më i fortë se unë”, u shpreh ai.