Talenti francez prezantohet te Shkëndija: Shikoja festën me shqiponjë të Anelka, unë e dija se ishte flutur!

Shkëndija e Tetovës zyrtarizoi gjatë të martës afrimin e sulmuesit francez Aboubaker Es Sahhal. 19- vjeçari, i cili ka qenë pjesë e përfaqësueseve të moshave të Francës (U-17, U-18, tregoi përshtypjet e tij të para për ekipin tetovar, ku do të luajë deri në verën e vitit 2023. Es Sahhal dje kishte minutat e para si kuqezi në testin me Randers FC.

“Më kanë pritur shumë mirë këtu. Ndihem mirë dhe shpresoj se do të bëj gjëra të mëdha. Premtoj se do të jap maksimumin për fanellën kuqezi dhe për klubin.

Jam interesuar për klubin dhe pashë se kanë fituar tituj si në kampionat dhe Kupë, kanë luajtur shumë herë në play off të Europa League dhe është klubi më i mirë në Maqedoni.

Festa me shqiponjë? Kur isha i vogël, Anelka festonte në këtë mënyrë, unë mendoja se ishte flutur, ndërsa një miku im, që është sot, këtu më tregoi se ishte shqiponjë dhe simbol i shqiptarëve.

Premtimi për tifozët? Do të bëj maksimumin për të ndihmuar ekipin”, deklaroi ES Sahhal.