Tiranë, më 10 dhjetor garë çiklizmi nga sheshi “Nënë Tereza” deri në Dajt

Në 10 Dhjetor, në orën 10:00, dhjetra dashamirës të çiklizmit, të çdo moshe, do të garojnë së bashku nën moton: “Ndërgjegjësojmë për malet”.

Gara mendohet se mund të zgjasë deri në 3 orë, do të nisë në sheshin “Nënë Tereza” dhe do të përfundojë tek fusha e Teleferikut në Dajt.

Konsiderohet si një aktivitet i vështirë për nga terreni, i krahasueshëm me garat e turit të Francës. Ky është një event sportiv i kronometruar në detaje profesionale nga Federata Shqiptare e Çilklizmit.

Do të përshkohen 26 km me “elevation game” 1073 m. Garuesit do të shoqërohen nga Policia e Shtetit dhe nga Shërbimi Shëndetësor, për çdo nevojë të mundshme gjatë vrapimit. Në fund do të ndahen 19 çmime për garuesit, në 6 kategori sipas grupmoshave.