Tronditet ekipi, futbollistët e Flamurtarit nuk dalin në stërvitje

Flamurtari është tronditur nga një konflikt i brendshëm pikërisht në prag të dy ndeshjeve të fundit të sezonit. Futbollistët nuk kanë pranuar të dalin në stërvitje duke pretenduar më parë dhënien e rrogave të prapambetura.

Burime pranë klubit vlonjat informojnë se një pjesë e lojtarëve kanë takuar shefin e klubit, Ardi Behari, ndërsa pretendojnë se nuk paguhen që nga dhjetori I vitit të kaluar.

Po ashtu, ata kanë pretenduar se rrogat u ishin premtuar përpara ndeshjes ndaj Partizanit. Flamurtari ka pasur shumë probleme me financat, qoftë me rrogat e lojtarëve, qoftë me borxhet e prapambetura.

Pikërisht për shkak të borxheve, skuadrës I janë hequr 6 pikë në renditje, dhe kjo ka bërë që të rrezikojë mbijetesën në Superligë.