U arrestua me grupin “Bajri”, FSHF zëvendëson Grimën me Sinain

FSHF më në fund i ka dhënë drejtim çështjes së trajnerit të ekipit kombëtar të femrave duke larguar njëherë e mirë Armir Grimën dhe duke afruar në vendin e tij, Vioresin Sinanin.

Grima ishte pezulluar nga detyra që kur u arrestua me grupin “Bajri” duke u akuzuar për trukim ndeshjesh, por deri dje figuronte ai si trajner i femrave. Sot ka ardhur ndryshimi përfundimtar dhe drejtimin e ka marrë Vioresin Sinani

Ish-sulmuesi legjendar i Vllaznisë, Tiranës dhe i Kombëtares ka pasur më parë rolin e zv.trajnerit e ekipi i femrave dhe e njeh mjaft mirë këtë skuadër, prandaj edhe i është besuar ky rol. Sinani do të duhet të përgatisë ekipin kombëtar, për miqësoren që Shqipëria luan pas pak ditësh në transfertë përballë Sllovenisë.