United nuk i mjafton as Bruno Fernandes, ndalet ndaj Wolves (VIDEO)

Manchester United vijon të vuajë në Premier League. As afrimi i Bruno Fernandes nuk ka mjaftuar që të kuqtë të shkojnë më shumë se një barazim pa gola përballë Wolverhampton.

Bruno Fernandes debutoi që nga minuta e parë, tentoi me disa goditje nga distanca, por pa arritur të vërë në vështirësi bashkëkombësin e tij, portierin e Wolves Rui Patricio.

Manchester United dominoi vetëm kontrollin e topit, pa arritur ta konvertojë në raste të pastra shënimi. United mbetet në vendin e 6-të me 35 pikë.