Xhaka lë Zvicrën dhe kthehet në Kosovë me një dhuratë të veçantë

Të gjithëve iu kujtohen dy golat dhe shqiponjat e Xhakës dhe Shaqirit në ndeshjen me Serbinë, në garën për Kupën e Botës. Kombëtarja e Zvicrës arriti të zhvillojë një lojë shumë të mirë,  ndërsa shqiptarët që luajnë me Zvicrën bënë një ndeshje fantastike.

Ndërkohë autori i golit të parë me Serbinë, Granit Xhaka ka ardhur në vendlindjen e prindërve të tij, Kosovë, por sigurisht jo me “duar thatë”. Ai ka sjellë edhe fanellën, që mbante të veshur në golin që i shënoi Serbisë.

Fanellën që shënoi dhe festoi me shqiponjë, Graniti ia ka dhuruar kushëririt të tij, Agon Xhaka.

“22 qershori”, ka shkruar Agoni në rrjetet sociale.

Zvicra e mbylli aventurën e Rusisë pasi u mund nga Suedia në shifrat minimale 1-0.