Xhaka tregon “sekretin” e golit të parë me kombëtaren: Babai para ndeshjes më tha …

Taulant Xhaka ka shënuar sonte në mbrëmje golin e parë me fanellën e kombëtares, që i ka dhuruar 3 pikët e para kombëtares sonë në Ligën e Kombeve. Mesfushori kuqezi ka shprehur emocionet duke treguar dhe një bisedë që ka pasur me babanë e tij para duelit.

“Babai më tha para ndeshjes nëse ke mundësi për të gjuajtur, gjuaj se do shënosh. Kemi luajtur shumë mirë, ishte fitore e rëndësishme. Jemi stërvitur shumë mirë dhe Panucci na ka përgatitur shumë mirë për ndeshjen me Izraelin. Polemikat me Panuccin? Nuk ishte polemikë në fillim me trajnerin, pasi kam marrëdhënie shumë të mira me trajnerin”, u shpreh Xhaka.