Yllit të Barcelonës i vjedhin shtëpinë para ndeshjes ndaj Interit

Jordi Alba ka kaluar një fillim jave të tmerrshëm. “El Pais” shkruan sot se disa hajdutë i kanë hyrë në shtëpi, teksa në të ishin të pranishëm dhe familjarët e tij.

Hajdutët kanë hyrë nga kopshti në katin e sipërm duke thyer një nga blinduesit e dritareve, ndërkohë që familja e tij ishte në katin e parë.

Vetë rojet private që merren me sigurinë e shtëpisë, kanë mohuar për policinë që të kenë parë gjatë natës lëvizje të çuditshme dhe shprehen se nuk kanë parë njeri të futet. Megjithatë, policia po heton deri në zbardhjen e ngjarjes dhe kapjen e grabitësve.