Zgjedhjet për presidentin e Barcelonës, voton edhe Lionel Messi (VIDEO)

Barcelona voton sot për presidentin e ri të klubit. Tre janë kandidatët: Joan Laporta, Toni Freixa dhe Victor Font. Mbi 100 mijë anëtarë të klubit kanë të drejtën e votës, mes tyre edhe lojtarët e katalanasve,  të cilët nuk kanë hezituar të hedhin votën e tyre.

Nuk mund të mungonte as Leo Messi, i cili u paraqit në “Camp Nou” me djalin e tij, Thiago. “Pleshti” ka marrëdhënie më të mira me Laporta-n ndaj dhe vota mund të ketë shkuar për të. Përveç Leo-s në qendrën e votimit janë parë edhe lojtarët e tjerë, si Busquets, Roberto, Puig apo Jordi Alba.