Juventus po shqyrton mundësinë e largimit të Edon Zhegrova vetëm një vit pas transferimit të tij në Torino.
Sipas raportimeve të fundit nga mediat italiane, drejtuesit bardhezi janë të gatshëm të dëgjojnë oferta për sulmuesin kosovar, ndërsa vlera fillestare e kartonit të tij është vendosur rreth 12 deri në 13 milionë euro.
Situata e Zhegrovës konsiderohet delikate në ambientin juventin, pasi klubi synon të rikuperojë të paktën pjesën më të madhe të investimit të bërë sezonin e kaluar. Futbollisti u transferua si lojtar i lirë, por marrëveshja i kushtoi Juventusit afro 12 milionë euro, duke përfshirë bonuset e firmës dhe komisionet.
Për këtë arsye, një shitje gjatë merkatos së verës me shumën e kërkuar do t’i sillte klubit vetëm një fitim minimal në aspektin financiar.
Ndërkohë, e ardhmja e sulmuesit tjetër, Jonathan David, mbetet ende e paqartë dhe vendimi përfundimtar pritet të merret gjatë muajve të verës.